ISOMAT Arkiva - Industriale.al

ISOMAT

“ISOMAT” është një kompani greke me perspektivë shumëkombëshe, e specializuar në prodhimin e kimikateve dhe të llaçit për ndërtim. Ajo u themelua në vitin 1980 dhe aktualisht është një nga industritë kryesore të materialeve të ndërtimit në Evropën Juglindore, me 3 impiante prodhimi në Greqi, Rumani dhe Serbi, 7 filiale në Gjermani, Rusi, Turqi, Bullgari, Slloveni, Rumani dhe Serbi, dhe shitje eksporti në më shumë se 60 vende të botës.

Kompania prodhon dhe shpërndan më shumë se 350 produkte të teknologjisë së përparuar, me çmime të përballueshme për konsumatorin. Konkretisht, “ISOMAT” prodhon dhe ofron produktet e 6 kategorive të mëposhtme:

Materiale hidroizolimi
Bojëra dhe suva
Kola pllakash dhe sherbete çimentoje
Materiale riparimi
Përzierje
Shtresa dyshemeje

“ISOMAT” është e angazhuar drejt novacionit dhe zhvillimit të vazhdueshëm të produkteve të reja. Për këtë qëllim, kompania ka një departament të mirëorganizuar kërkim-zhvillimi, të kompletuar me staf të specializuar shkencor që punon në 5 laboratorë të ndryshëm kimikë, ku zhvillohen çdo vit produkte të reja për të përmbushur nevojat e ndryshueshme të tregut dhe për të ecur me ritmin e zhvillimeve të fundit teknologjike në sektorin e ndërtimit, duke përmirësuar portofolin aktual të produkteve, kur është e nevojshme.