Kompania DEUTSCHCOLOR, pas një partneriteti me Delta Group ka sjellë në Shqipëri një nga investimet më të mëdha në sektorin e bojërave dhe materialeve te ndertimit në Europën juglindore. Kjo fabrikë ekologjike, përmbush cdo nevojë të tregut vendas e më gjëre, në bazë të efikasitetit, cilësisë dhe një teknologjie bashkëkohore. Me një laborator të avancuar të pajisur me aparatura gjermane nga më modernet, me një ekip shkencor i cili mundëson më së miri procesin e kërkim zhvillimit, që në fund sjell tek klientët tanë produktet më cilësore. Një gamë e gjerë produktesh, duke filluar nga bojëra me bazë emulsioni deri tek ato industrialet,si dhe e gjithe gama e materialeve te ndertimit u mundësojne klientëve shumëllojeshmëri zgjedhjeje.
DEUTSCHCOLOR akademi, me anë të seminareve që realizon, bën të mundur trajnimin e cdo bashkëpunëtori për të njohur më tepër produktet tona. Për tu përmendur, është dhe stafi i dedikuar i DEUTSCHCOLOR që me anë të perkushtimit, kanë qasur reth vetes një klientelë që janë ndër vite besnikë të produkteve tona. Partnerët tanë janë shndërruar në një motiv për të vazhduar më tej duke perfeksionuar produktet në mënyrë të tillë që të bëjmë më mirë atë cfarë na kërkohet. Jo gjithmonë ka një dritë jeshile, por ne dimë të themi që nuk mund të njohim asnjë opsion tjetër pervec suksesit. Kjo kompani, me një orientim global ka përfaqësinë e vet në shumë vende si Gjermani, Austri, Kanada, Zvicër, Hollandë e më tej.
Sot DEUTSCHCOLOR më i madhi në industrinë e prodhimit të bojërave dhe materialeve te ndertimit për vite ka provuar që çelësi i suksesit të biznesit është prodhimi i produkteve në harmoni të plotë me kushtet mjedisore. Përveçse produkte të një cilësie të lartë fokusi i DEUTSCHCOLOR është prodhimi i produkteve ekologjike që janë miqësore me ambjentin. Planeti ynë është shtëpia jonë, për këtë arsye ne kujdesemi që të jetë një mjedis i mbrojtur dhe i sigurt për pasardhesit tanë. Çdo ditë stafi ynë i kualifikuar i kimistëve, me shumë eksperiencë në këtë sektor,punojnë për të avancuar këto produkte, në mënyrë që ne të jemi të pranishem në nivelin më të lartë që tregu kërkon.
Vizioni ynë
Deutsch Colour krenohet me rolin e saj si një partner kryesor edhe në biznese të sektorëve më të vegjël duke i ndihmuar ata në rritjen dhe zhvillimin e tyre.
Ne kemi një vizion të fuqishëm. Prodhim, Zhvillim dhe Shpërndarje. Ne synojmë të përmbushim të gjitha nevojat e klientëve në fushën e bojrave me të gjitha nuancat e larmitë e tyre estetike dhe teknologjike dhe do të vazhdojmë të hulumtojmë mbi metoda të reja dhe efektive për të arritur objektivin tonë në rrugën e suksesit.
Derimëtani, kemi arritur një status shumëkombësh të markës sonë. Vizioni ynë afatgjatë është që të jemi të pranishëm në çdo ambient tuajin nëpërmjet konceptit të bojërave.
Ne synojmë tu ofrojmë të gjithë konsumatorëve dhe klientëve tanë konsulencën, shërbimet dhe produktet më të mira, të nevojshme për kërkesat e tyre. Nëse jeni në kërkim të një atmosfere ku motivimi, qartësia dhe fokusi janë thelbësore, vetëm Deutsch Colour mund t’ju ndihmojë.
Strategjia jonë
Si pjesë e objektivave tanë strategjikë, ne fokusohemi në ofrimin e një produkti të qëndrueshëm, afatgjatë, në treg me çmim të arsyeshëm dhe të përballueshëm nga të gjitha shtresat ekonomike.
Strategjitë tona të përgjithshme synojnë zgjerimin mbi asete të reja, duke hapur një numër të madh filialesh në nivel global, duke zhvilluar produkte të reja për të sjellë në treg dhe për të arritur qëllimin e përmbushjes së kërkesave të klientëve brenda industrisë së bojrave.
Duke zgjeruar bizneset tona në nivel kombëtar, ne po krijojmë mundësi të pafundme që individë të ndryshëm të bashkohen me ne në këtë rrugëtim suksesi dhe të jenë pjesë e një perandorie të ardhshme. Pjestarët e ekipit tonë kërkimor profesional marrin parasysh të gjitha reagimet e klientëve tanë me synim ofrimin e një produkti të shkëlqyer për tregun tonë.
Një faktor tjetër kyç ku ne fokusohemi është marketimi i markës sonë. Ne e njohim rëndësinë e informimit të të gjithë klientëve rreth ofertave tona dhe programit të besnikërisë së klientëve, ndaj ne ruajmë një standard të lartë marketingu dhe reklamimi.
Përgjegjësia shoqërore
Të gjitha produktet e Deutsch Colour janë zhvilluar mbi bazën e të qenurit miqësore ndaj mjedisit, si dhe duke pasur si synim që të jenë në pajtueshmëri të plotë me të gjitha rregullat dhe rregulloret e standardeve të shëndetit tonë dhe të sigurisë. Ne jemi çertifikuar sipas ISO 9001, ISO 14001 dhe OHSAS 18001, në përputhje me Ligjin për Shëndetin dhe Sigurinë. Për ne është tepër e rëndësishme që drejtimin e një biznesi të suksesshëm ta ndërthurim edhe me përgjegjësitë tona shoqërore dhe mjedisore.
Politika e kompanisë Deutsch Colour në lidhje me individin dhe nevojat e tyre;
– Ofrimi i një shërbimi të drejtë për klientët dhe furnitorët.
– Ne përpiqemi të marrim më të mirën nga secili punonjës, duke ofruar trajnimin e nevojshëm, duke vlerësuar punën e zellshme dhe motivimin, etj.
– Detyra jonë është të garantojmë që punonjësit tanë të jenë në një mjedis të sigurt pune, në respektim të të gjitha rregullave dhe rregulloreve të shëndetit dhe sigurisë. Synimi ynë është parandalimi i aksidenteve në punë dhe i çdo sëmundjeje tjetër profesionale.
– Ne informojmë të gjithë klientët dhe të gjithë përdoruesit e tjerë mbi përdorimin e saktë dhe të sigurt të produktit tonë.
Inovacioni
Deutsch Color transformon, zbukuron dhe ndihmon në ruajtjen dhe krijimin e një atmosfere të qetë dhe relaksuese përreth jush. Ne na pëlqen të sjellim ndryshimin dhe kjo është pikërisht ajo që kemi bërë për më shumë se 100 vjet dhe vazhdojmë të bëjmë çdo ditë.
Në Deutsch Color krijimtaria nis me të kuptuarit e nevojave të konsumatorëve tanë. Kjo do të thotë të kuptosh dhe të parashikosh pritshmëritë e tyre dhe nevojën e tyre për ndryshim. Inovacionet tona janë kudo rreth jush, bojrat tona mbrojnë disa prej ndërtesave më ikonike nëpër botë. Çdo gjë që ne bëjmë nxitet nga qëndrueshmëria, si pjesë e qasjes sonë për të ofruar sa më shumë vlerë të jetë e mundur nga përdorimi i sa më pak burimeve. Kjo do të thotë që ne rekrutojmë vetëm stafin më të mirë dhe punojmë me ekipin tonë për të siguruar që të sjellim gjithmonë zgjidhje krijuese dhe inovative.
